دار التراث

الاحساء کے نخلستان کے مشرق میں، المنصورہ قصبے کے کھجور کے باغات کے بیچ، دار التراث (یعنی ورثے کا گھر) واقع ہے۔ یہ نجی عجائب گھر الاحساء کے قدیم طرز تعمیر پر بنا ہے۔ اس کے بانی جعفر الخواہر نے پچیس برس سے زیادہ عرصے میں الاحساء کے اندر اور باہر سے اس کا ذخیرہ جمع کیا، اور یوں ورثے کی اشیا اکٹھی کرنے کی اپنی خاندانی روایت کو آگے بڑھایا۔ مئی 2017 میں اس گھر کا افتتاح اس کی نئی اور بہتر شکل میں ہوا۔ اس کے ذخیرے میں ورثے اور تاریخ کی نادر اشیا ہیں: مخطوطات، سکے، پرانی تصاویر، کھانا پکانے کے برتن، قہوے کی کیتلیاں اور ہتھیار۔ ہتھیاروں میں تلواریں اور آہنی ٹوپیاں ہیں، جن میں سے بعض تین سو برس سے زیادہ پرانی ہیں۔ ان کے ساتھ ایسے جانور بھی رکھے ہیں جو پتھر بن چکے ہیں۔ ہریالی کے بیچ پرانے مقامی طرز پر بنی یہ عمارت بھی نمائش ہی کا حصہ ہے۔