دوغہ الغراش

جبل القارہ کے دامن میں، القارہ گاؤں میں، دوغہ الغراش (یعنی الغراش کی کارگاہ) واقع ہے۔ یہ مٹی کے برتن بنانے کی ایک روایتی کارگاہ ہے، جہاں کمہار آج بھی پرانے طریقے سے ہاتھ سے برتن بناتے ہیں اور پھر انہیں یہیں کی بھٹیوں میں پکاتے ہیں۔ الغراش خاندان میں یہ ہنر نسل در نسل منتقل ہوتا آیا ہے۔ اخبارات کے مطابق اس جگہ مٹی کے برتن بنانے کا کام چھ سو برس سے زیادہ عرصے سے جاری ہے، اور اسی لیے یہ سعودی عرب میں لوک دستکاری کے مشہور ترین مراکز میں سے ایک ہے۔ یہاں کے کمہار فرانس، امریکہ اور کینیڈا کی نمائشوں میں اپنا کام پیش کر چکے ہیں۔ آج یہ کارگاہ ایک سیاحتی مقام ہے، جہاں سیاح مٹی گوندھنے سے لے کر کمہار کے چاک اور بھٹی تک اس ہنر کے سارے مراحل دیکھتے ہیں اور یہاں کے بنے برتن ساتھ لے جاتے ہیں۔